အရင်းနှီးဆုံး သူငယ်ချင်းတိုင်းကို အလျှို့ဝှက်ဆုံး ကိစ္စတိုင်း ပြောပြဖို့ မလိုပါဘူး ။
ကိုယ်ပိုင် လျှို့ဝှက်ချက်ဆိုတာ ခင်မင် ရင်နှီးမှုနဲ့ သီးသန့်ဆီ ရပ်တည်နေပါတယ် ။
ထီမပေါက်လို့ ဘယ်သူမှ ဖြေမဆည် မဖြစ်ကြပါဘူး ။
အကြောင်းက အရမ်း မျှော်လင့် မထားကြ လို့ပါ ။
ဘဝ ဆိုတာ ထီထက် ပိုပြီး အလောင်းအစား ဆန်ပါတယ် ။
အဲ့ဒါကြောင့် ဘာကိုမှ အများကြီး မျှော်လင့်မထားပါနဲ့ ။
ကိုယ့်ရဲ့ မဖြစ်စလောက် အရိပ်ဆိုပေမယ့် လူတချို့တလေ အတွက် တထောက်နားရပ် ဖြစ်နေတတ်တယ် ။
စိတ်ကောင်းစေတနာ ထားပြီး ကာမိုး ပေးလိုက်ပါ ။
အချိန်တန်လို့ ထွက်သွားကြရင်လည်း ဝမ်းနည်း မနေပါနဲ့ ။
ဘဝ ဆိုတာ ခရီးသွားခြင်းထက် အဓိပ္ပါယ် မပိုပါဘူး ။
သူတို့လမ်းကို သူတို့ ဆက်လျှောက်ကြပါစေ ။
မလိုအပ်ပဲ အရမ်း မရင့်ကျက်ပါနဲ့ ။
လောကကြီးက ရင့်ကျက်ရမယ့်ကာလကို သူ့အချိန်နဲ့သူ သတ်မှတ်ပေးပြီးသားပါ ။
ငယ်ရွယ် နုပျိုချိန်တွေကို ဘယ်သောအခါမှ အစားပြန် မပေးပါဘူး ။
ဒါ မတရားတဲ့ အချက်ဖြစ်ပေမယ့် လက်ခံရမှာပါပဲ ။
အတ္တကြီးတဲ့သူ တော်တော်များများက ဘဝကို အကြာကြီးလို့ ပုံသေတွက်ကြတယ် ။
ကျော်ဖြတ်လာခဲ့တဲ့ အတိတ်ကို ပြန်တွေးပါ ။
ကျန်ရှိနိင်သေးတဲ့ သက်တမ်းကို ခန့်မှန်းကြည့်ပါ ။
သူတပါးအတွက် စဉ်းစား တတ်လာပါလိမ့်မယ် ။
ချစ်ခြင်းမေတ္တာ ဆိုတာ အရွယ်ရောက်မှ လူတွေ တကယ် သဘောပေါက်ကြတဲ့ အရာတခုပါ ။
အသက်အရွယ် ရလာလေ ၊ အပေါင်းအသင်းတွေနဲ့ ကင်းကွာလာလေ ၊ ကိုယ့်ဘဝ လက်တွဲဖော်ရဲ့
ပုံရိပ်ဟာ ပိုပြီး ပီပြင် လာလေပါပဲ ။
အရိပ်မည်းတွေနဲ့ အတိတ်ကြောင့် ဆက်လျှောက်လှမ်းရမယ့် ခရီးဟာ ပိုပြီး မှောင်မိုက် နေတတ်တယ် ။
ဘဝရဲ့ နောက်ခံတွေသာ အလင်းရောင်သန်းခဲ့ရင် ဘယ်နေရာရောက်ရောက် သင်ဟာ ထွန်းလင်းနေပါလိမ့်မယ် ။
အဲ့ဒါကြောင့် အတိတ်ကို ဘယ်ချိန်တွေးတွေး အမြဲ ပြုံးနေနိင်တဲ့သူ ဖြစ်အောင်ကြိုးစားပါ ။
Roaraung.blogspot.com
Tuesday, November 17, 2015
အတိတ်ကို ဘယ်အချန်မှာ တွေးတွေးအမြဲပြုံးနေနိုင်အောင်ကြိုးစားပါ
Subscribe to:
Post Comments (Atom)
No comments:
Post a Comment